ملف فيديو طبت القصر بصوت مرتضى حرب

طبت القصر(مكتوبة)

الرادود:مرتضى حرب

 

لو اختصر طبة القصر
حافي وگف فوگ الجمر
دنيا و عدم سوه و قيم
وگفن سوه وحيلي انهدم
طبت الشام المصيبه
البيهه رد دوس الحوافر
بس فرق مو عالضحايا
داست گلوب المشاعر
وگفت الدنيا وسماهه
اگبال ناس ابلا ضمائر
بين وادم موش وادم
شفته ظعني شلون حاير

ما بچيت بس بقايه ارماد بيهه
عيني ومبين عليهه ما بچيت
آنه بيت يحمي كل هاي الظعينه
لو خطر ستر علينه ما بچيت

موقف صعب أوصل واطب
ويمشي الستر ويه الغرب
ما ظل صدگ ضاگ الخلگ
ظعني بهوا بس مختنگ
بالقصر من دگلوهه
گلبي ما ظل بمكانه
وماكو غير حسين وينه
ظعنك بطارف لسانه

ما تشم نسمه شهگهه
البيده عود الخيزرانه
اليضرب اشفاف الرساله
ويضحك لشدة أذانه
يا هواي مو هوا هذا البدونك
احنه نتنفس عيونك يا هواي
ماله راي باليچي مجتوفه ايده
ما يسوون اليريده ماله راي

گلبي انعصر طولي انكسر
نفس السبي يسبي النظر
أومي يادي وانحب يخي
ما صب دمع لو انت حي
ما أطب لو ما اخوتي
توسدت حر التراب
ولا عله متوني زماني
يحدي بظعون المصايب
ولا يبوگ الوحشه لوني
وانترك بالهيمه أعاتب
كلها تدري أيامي ظلمه
چي گمر عدنان غايب

بس ظلام دنيتي ابلايه كفيلي
ينجفي وما اشوفه حيلي بس ظلام

كلشي شام بالقصر هالشي عرفته
بالدرب صار وجرعته كلشي شام

صوت الدمع ظل ينسمع
طفله بنحر أب تنفجع
راسك دنه وشافه الظنه
من انحنت كلشي انحنه
مالت الطفله اعله راسك
والقصر شاهدته مايل
وطاحت اعليهه اليتامى
مثل طيحات المهازل

الله بس يدري بگلبهه
اشگد عذاب وحسره شايل
وبيهه من أرماح صدره
اشگد ابوهه حسين شايل
والعجيب بيهه ماي وما تشربه
تگلي ظامي حسين گلبه والعجيب
ريت أروح وأروه منه عنه خل نرجع لهلنه ريت أروح

حگي من أون وابدي الحزن
أمطر جمر واجرح جفن
ما ينكظم حزني وأظم
ضيم القصر جاس العظم
حزني يشبه لليتامه
اللازت بيا حيل الله
رغم كل هذا بجمعهم
ما تشوف عيوني زلمه
حضرتهن اسهام موتي
وصوبتهن چلمه چلمه
وسولفت بلسان اخوتي
ابالموقف الكله هضمه
كلشي صار بالقصر تحچيه دموعي
للگبر ساعة رجوعي كلشي صار
بيه نار تنطفي من أوصل واگله
ومن صبح مگطوع اسأله بيه نار