ملف فيديو الدنيا وبلوتها بصوت خضر عباس

 الدنيا وبلوتها(مكتوبة)

الرادود:خضر عباس

هاي الدنيا وبلوتها وهاي الآثار
محد يعرف علتها غير الكرار
هاي الدنيا وتاليها بالك وتآمن بيها

هاي الدنيا تريد واحد عشره طيبه وقلب صافي
واحلى شي بي من يواعد كون من يوعد يوافي
يوكف بزود ويجاهد ويركضالها بچدم حافي
الدنيا عله بلا شفا لا ما تحب العاطفه
من بعد كل هالعاصفه وكتك يمر بيك صافي

اركض واتعلم بيها من المتعلمين
واحسبها وشوف شبيها وشوف الطيبين
وشوف الشينه وجزيها بالك وتآمن بيها

محد يعرف علتها غير الكرار
هاي الدنيا وبلوتها وهاي الآثار محد يعرف علتها غير الكرار
هاي الدنيا وتاليها بالك وتآمن بيها

من علي اتعلمنه كلشي وذگنه محصول الحديقه
وتعب من الدمع رمشي ما لگى اليصبح صديقه
كل فرد من عدنه يمشي يريد يلگاله طريقه
هذا عايش بالتمني وهذا شيعي وهذا سني
وانتي يا روحي تدني ساعتچ تگضي بدقيقه

ابدي من اول مشوارچ اجمل مشوار
وربچ لو هدموا دارچ يبنيلچ دار
حچايه وبإذنك خليها بالك وتآمن بيها

محد يعرف علتها غير الكرار
هاي الدنيا وبلوتها وهاي الآثار محد يعرف علتها غير الكرار
هاي الدنيا وتاليها بالك وتآمن بيها

راجعين اعله المصيبه وهاي ليله من المصايب
راح الحبيب حبيبه واحنه حبنه ابن ابو طالب
كلمن وطيبة حليبه اليصبر بوجه المصايب
گاموا بسيف السقيفه طبروا الكعبه الشريفه
وهسه صفحتهم نظيفه اجوا يردونه گرايب

تشهد گبة هادينه وهاي الشبان
من الموت المر بينه صاير نيشان
مختلفه الدنيا شبيها بالك وتآمن بيها

محد يعرف علتها غير الكرار
هاي الدنيا وبلوتها وهاي الآثار محد يعرف علتها غير الكرار
هاي الدنيا وتاليها بالك وتآمن بيها

هاي برقيه مهمه يا شعب حامي اليتامى
العنده مطلب لا يضمه ولا يظل محتار امامه
بالصلاة على الائمه نعوض سنين السلامه
يا محمدنا وعلينا شعب بالهم مبتلينا
انبلينا يا ولينا وصارت الموده علامه

نكروا مبعث هادينه ونكروا معناه
ونكروا قرآنه ودينه ومحد والاه
هاي اولها وتاليها بالك وتآمن بيها

محد يعرف علتها غير الكرار
هاي الدنيا وبلوتها وهاي الآثار محد يعرف علتها غير الكرار
هاي الدنيا وتاليها بالك وتآمن بيها

يا شباب الدرب واضح كلمن يدور مكانه
واكرم الناس المسامح والله للجمعه هدانه
اليرضى بالمقسوم رابح وغيره يقبل بالمهانه
شفنه اكثر من وصيه من علي حامي الحميه
للعرش نرفع قضيه بيها نكتبله دعانه

ونكتب افزع يا حيدر صارت مأساة
ردوا صفين وخيبر يا بو الصولات
رد الفقار عليها بالك وتآمن بيها

محد يعرف علتها غير الكرار
هاي الدنيا وبلوتها وهاي الآثار محد يعرف علتها غير الكرار
هاي الدنيا وتاليها بالك وتآمن بيها