ملف فيديو خلصت أيام الخدمة بصوت حيدر حسين السعد

خلصت أيام الخدمة(مكتوبة)

الرادود:حيدر حسين السعد

 

خلصت أيام الخدمه

خلصت أيام الخدمه
نتعذر يابو الايمه
نتعذر يابو الايمه لو قصرنا وياك
بس نقسم يامولانا
عايش بالدم ويانه
عايش بالدم ويانه حسين وما ننسالك
حسين وما ننسالك

دخيل اسمك وحق امك
خدمتك أصبحت ثامن عجايبنه
شهر نلطم شهر نخدم
يخربطنه الوكت وانت الترتبنه
فزعنالك وكفنالك
ابدرب مشايتك وكلشي عزيز بنه
يبو الرأفه لكن وسفه
الشوارع فرغت وطاحت مواكبنه
راياتك نزلناها
وخيامك طيحناها
اليوم وودعناك

بس نقسم يامولانا
عايش بالدم ويانه
حسين وما ننسالك
خلصت أيام الخدمه
نتعذر يابو الايمه
لو قصرنا وياك
بس نقسم يامولانا
عايش بالدم ويانه
حسين وما ننسالك

حزن بينه يبو سكينه
نباوع عالطريق وماكو مشايه
ولا موكب بقه يعزب
ولا واحد يمر وشايل الرايه
صدگ غربه شكثر صعبه
وحسينياتك انطفيت القرايه
امس جنه ببواكينه
ننادي ياهلا بيكم يوفايه
دموع احبابك ماتنشف
نبچي ومنك نتأسف
وحدك خليناك

بس نقسم يامولانا
عايش بالدم ويانه
حسين وما ننسالك
خلصت أيام الخدمه
نتعذر يابو الايمه
لو قصرنا وياك
بس نقسم يامولانا
عايش بالدم ويانه
حسين وما ننسالك

انتهى الموسم بعد شنشم
الهوه يخنك بده والوحشه تأذينه
يبو الاكبر ولا نكدر
نعوف الموكب ونرجع لأهالينه
تره الخدمه صدك نعمه
الطبخ وصخام الجدوره يحلينه
مثل زينب الك نتعب
تسومرنه الشمس وأنجوي رجلينه
راح انفارك خدمتك
راح نرد لدنيتنه
ونهاجر دنياك

راح انفارك خدمتك
راح نرد لدنيتنه
ونهاجر دنياك
بس نقسم يامولانا
عايش بالدم ويانه
حسين وما ننسالك

إذا بدرت إذا صدرت
اسائه أو خطأ مولانا سامحنه
بحق جدك السجل عندك
ونخاف أمن السجل غلطتنا تمسحنه
تلكأنه يمولانه
إذا راد الزمن بالذل يطيحنه
ابضمايرنا ومشاعرنا
الك منصوبه ماتخلص فواتحنه
كل هذا وما وفينه
لاتزعل يابوسكينه
لورحنه وعفناك

بس نقسم يامولانا
عايش بالدم ويانه
حسين وما ننسالك

الضعن باچر يرد حاير
يجون أمن السبي يمك يواليهم
أظن زينب تضل تعتب
إذا نرجع لأهلنا ومانواسيهم
نريد انضل ابد منمل
عمر كامل نضل يمك نتانيهم
بنعي ودمعه وهلا وفزعه
مثل جابر يبواليمه نلاگيهم
احنه وجابر نستقبل
راسك والمدمع يهمل
ونشم عطر دماك

بس نقسم يامولانا
عايش بالدم ويانه
حسين وما ننسالك