ملف فيديو غسلني بيدك بصوت خضر عباس

مجلس قبيلة البو فتله(مكتوبة)

الرادود:خضر 

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية

عِشْرَتْ نصر يا أبا الحسن جَفْينَك أو ديني
وللموت أريدن يا علي چفوفَك بْچَفّيني
الدنية صَحْره وشُوفتَك جَنّة بْوَسَط عيني
توأم ضواي لْفِرْگتَك من هَسّه واسيني
دوِّرني راح أبدَمْعَة عيونَك .. ومَحَد يِگِلّك يا علي شلونَك
راح أموت وحَسْرَة بيه .. شيّع وواسي الزچية

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية

خَلّيني أموتن يا علي وإيديك بْإيدِيّه
بَلْكي اليبغضَك يستحي ويِتْغيّر شويه
راح أبقى أصيحن يا علي لآخر نَفَس بيه
گبل الغدير النبي گول أنفاسه شيعية
الما صَلّى عُمْره وياي بالجامع .. باچر يْنَصّبك يا علي الرابع
يا حبيب الله وْوَلِيّه .. شيّع وواسي الزچية

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية

صَبْر الحَسَن يا أبا الحَسَن وحسين والحُرّة
ما بيه حيل وثِگْلَت بعين النبي النَظْرَة
ومِن تِحْفُر تراب الگَبُر لِحْد الگَبُر كَبْرَه
باچر يطيح المحسن ومن هَسّه منتظره
لو طاحت أم حسين معناها .. آنه وخديجة نطيح وياها
وبالوَجَع نوگَف سويّة .. شيّع وواسي الزچية

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية

مِن حُبّي لَك يا أبا الحَسَن گاموا يحسدونك
ومو هَيِّن فراگَك عَلَي وداعت عيونك
مجبور أعوفك يا علي لَحَد ما يطبْرونك
تِلْگاني غيمة من الحِزِن فوگ اليشيّعونك
مِن سَمّ محمد ضَمّوا لراسك .. يدرون أموت بْگِطْعَة أنفاسك
وترجع بدمّك عليّة .. شيّع وواسي الزچية

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية

مِن غمّض عيونه وسِكَت سولَف علي بدمعه
استشهد محمد وانغِدَر حَچي المرض بدعه
چَتّاله من بيت النبي وزَحْمة الحَچي نْطَلْعه
والگال يهجر ناصبي وخاين ترى بْطَبْعه
سيّد الدنية وسيّد الموتى .. حِلْم الأشجار تصير تابوته
يا عُظُم هاي الرزيّة .. شيّع وواسي الزچية

غَسِّلْني بيدك يا علي بْموتي
وَبَسْ انتَ وحدك شيل تابوتي
يعينك الله بْهَالمسية .. شيّع وواسي الزچية