ملف صوتی يا حيدر جزا حدوده صبرنا بالهم والحزن خلّص عمرنا .. بصوت أبو بشير النجفي

الشاعر : السيد سعيد الصافي الرميثي

يـا حـيـدر جـزه إحـدوده صبرنه...بالهم و الحزن خلص عمرنه
و  الـقـبـرك يـراعـي الـزود ...يـا يـوم الـيـجي و إنعود
بــالــهــم و الــحــزن خــلــص عــمـرنـه
******
نـتـذكـر الـمـاضي إبمثل هالليله ...و يهيج الألم و المدمع إنسيله
و الـمـثلك يحيدر حامي إدخيله ...لو ضاقت علينه الوسعه نشجيله
عـنـدك  نـشـتـكـي إبلوعة قلبنه ...و غيرك محد اليسمع عتبنه
و إنـت الـتـعـرف الـمـقـصـود...يـا يـوم اليجي و إنعود
بــالــهــم و الــحــزن خــلــص عــمـرنـه
******
يا با الحسن جنه إبمثل هذا اليوم...مثل سرب الحمام إعله الضريح إنحوم
يـا عـون الـفـقير و ناصر المظلوم...يا خيمة ملاذ الخايف المهموم
يـا والـي الـيـتـامـه و حامي جاره ...دنيه و آخره منوانه داره
و إعـلـيـك الـنـظـر مـشـدود...يـا يـوم اليجي و إنعود
بــالــهــم و الــحــزن خــلــص عــمـرنـه
******
مـن  نـرفـع عـتـبنه بألم و ابلهفه...يا حامي الحميه قدرك إنعرفه
عـنـدك يـا ولينه تسهل الكلفه ...و دارك لليتامه إبكل وكت ملفه
حـلال الـمـشـاكل صاحب الغيره...و الينخاك حاشه يوقع إبحيره
يـالـيـمـنـتـك بـحـر الـجـود...يـا يـوم اليجي و إنعود
بــالــهــم و الــحــزن خــلــص عــمـرنـه
******
يـا  عـصـاة موسه و يا سفينة نوح...يالقبرك إبنوره من بعيد إيلوح
لـو  ما تفزع إلنه بعد وين إنروح...و إحنه إنقول ما يبقه حمل مطروح
يـا عـقـد الـولـه الـبـابـك قصدنه ...يا باب الندقه لو تردنه
و إنـت حـجـة الـمـعـبـود...يـا يـوم الـيـجي و إنعود
بــالــهــم و الــحــزن خــلــص عــمـرنـه
******
لـو رايد وضعنه إتعرفه يا بو حسين...هاك إسمع جوابه من دموع العين
غربة عمر طالت مو سنه و سنتين...و ما ندري بعد ننطي الوجه لاوين
ذلـيـنـه بـعـد ذيـج الـكرامه ...و إعلينه الوكت خيم ظلامه
مـخـلـص بـيـنـه مـا مـوجـود...يـا يـوم اليجي و إنعود
بــالــهــم و الــحــزن خــلــص عــمـرنـه
******
نـعـشـك يا علي للقبر يوم إنشال...يا راعي العداله إنشالت الآمال
و  بـأيد الحرامي صبح بيت المال...جا يا هو البعد يفقد ضعيف الحال
تـسـهـل  عـالـشهم قصت وريده ...و تكلف لو يمد للذله إيده
و  إيـريـدك عـلـيـك إتـجـود...يـا يـوم الـيجي و إنعود
بــالــهــم و الــحــزن خــلــص عــمـرنـه
******
يـا  حـيدر العايش بالترف شبعان...ما يهتز ضميره و يذكر الجوعان
يا  حامي  الدخيل و مجسي العريان...فيض علينه بإحسانك يعالي الشان
ضـاقـت يـا عـلـي و إنـت أمـلنه...و منك ننتظر تجمع شملنه
يـالـتـدري الـصـبـر مـحـدود...يـا يـوم الـيجي و إنعود
بــالــهــم و الــحــزن خــلــص عــمـرنـه