ملف صوتی راسي عالي بخدمتك بصوت باسم الكربلائي

 

راسي عالي بخدمتك

وحقك لو بقيت بأخر ايام *** اقوم لخدمتك واتحزم حزام
قبل كان الليخدمك حكمه اعدام *** تحديت وصحت خدام خدام
شرفتني محبتك راسي عالي

خدمت وما يهمني شقالت الناس *** انا عندي الحسين وعندي عباس
صرت صوت الجرح يالعندك احساس *** الف موته اموت وما اطق راس
لا ازال بحضرتك ** راسي عالي

إذا تطردني وين انطي الوجه وين *** تقول الناس هذا العاف الحسين
تضل دوم على بابك تدمع العين *** بعد محبوب مثلك يحصل منين
لاتذبني مروتك ** راسي عالي

يشوفوني ملك وأعرف يغارون *** يحسدوني على الخدمه ويلومون
وأجيلك وأشتكي من اليقولون *** اذا ترضى علي خلهم يزعلون
ياحسين بشيمتك ** راسي عالي

طريق الموت محد يعتنيله *** واصيحن ياحسين واركض عليه
عشق والناس كلها تعجبت بيه *** طريقك لو يصير سيوف امشيه
يالي روحي تمنتك ** راسي عالي

صحيح الي يخدمك ترفع اسمه *** امير يصير والوادم تخدمه
تبوس الناس حتى تراب جدمه *** شمس والمايشوف الشمس اعمى
بيدي رافع رايتك ** راسي عالي

اذا مو مثلي خادم صار ابني *** ارفضه ولا احبه ولايحبني
لان ادري اذا اكبر يذبني *** اريده يكون بالخدمه يغلبني
حتى اصير بهيبته ** راسي عالي

 

للشاعر :سيد عبدالخالق المحنه