ملف صوتی واسوها بصوت قحطان البديري

 

 

واسوها واسوها
دمعاتي شوفوها
أم الولد لو مات
بیمن یصبروها

یا سبّاح گلبي و فرحة البیت
احسب کل لیالي ارباك ضلّیت
للصیوان أزف طولك تمنّیت
ییمه ابیش اجیت و بیش ردّیت

یالمخلّي ابدلیلي ایبات الاصواب
یفز گلبي و یطیر لدگّة الباب
بعدك شاب توجع موتت الشاب
اشلون اتنام عینك جوه الاتراب

امحضرتلك شمع عرسك یمزیون
و اشوفك گلت یمه اویه الیعرسون
یبو ضحکة الحلوه و ذیچ العیون
اشلون اتراب فوگاهن یهلون

یِعین الله گلبها الوالده اتنوح
اذا شافت وِحید اعیونها ایروح
الأمس چان بحضنها الیوم مذبوح
سلوتها الونین و زادها اجروح

الله ایعینّه اعله الوکت صایود
یختار ابولدنه وین الحیود
گِضنها الوالدات اهدومهن سود
من گد اللطم تعبانه الزنود

للشاعر واثق العيساوي